Цаг агаар

Хятадын Гуанжоу гэдэг хотод сурч амьдраад одоо бараг 1 жил хагас болох нь ээ. Энд улс орны хөгжил сайн байна аа. Сурах юм их, зохион байгуулалт, төлөвлөлт сайн гэж дүгнээд байгаамаа. Газар зүйн байрлалаар яривал ХонгКонгоос 150 км орчим зайд оршдог. Хятадын хамгийн урд зүгт юм даа. Цаг агаарын хувьд жаахан төвөгтэй. 4 сараас эхлээд 10 сар хүртэл халуун зун гэсэн үг. Их халуун чийглэг, өрөөндөө агааржуулагч сэнсгүй бол тэгээд хэцүү дээ, шөнө унтаж ч чадахгүй. Бороо орсон үедээ бол дажгүй сэрүүхэн. Тэгээд 11 сараас эхлээд гэнэт өвөл болчихно. Гэхдээ эндэхийн өвөл цас мас орж, хальтаргаа мөс болохгүй лд. За +20 градус болоод ирэнгүүт хүйтэн болж эхэлнэ дээ. Өвөлдөө хамгийн хүйтэндээ +5 градус орчим гэж байгаа. Гол юм нь энд байшин дотор халаалтын систем паар гэж юм байдаггүй.Тиймээс гэртээ, сургууль дээрээ өрөөндөө байнга зузаан хувцастай дулаалж явахгүй л бол үнэн зутруу хүйтэн. Дотор гадаа яг адилхан байна гэсэн үг лд. Далайн ойролцоо чийглэг газар гэдэгтэй нь л холбоотой байх. Эндэхийн +20 градус манай монголын +20 градус шал өөр юм л даа. Тэрийг нь мэдэхгүй анх ирж байхдаа энд чинь өвөл болдоггүй хүйтэрдэггүй гэсэн гээд дулаан хувцас гутал юу ч байхгүй мөнхийн халуун газар ирчиж гэж бодоод явж байтал гэнэт хүйтрээд өмсөх хувцасгүй 7 хоног шахуу даарж яваад баахан өвдсөн дөө. Дээр нь миний бээрэгийг ч хэлэх үү, мангар зузаан явна, монголд өмсдөг шиг өвлийн гутал өвлийн куртка өмсөөл явна. Харин оюутнуудыг ажиглаж байхад бас сонин. Халуун газрын, жишээ нь Тайланд, Индонез, Ветьнам оюутнууд анх ирж байхдаа бол дулаан хувцаслана гэж мэддэг ч гүй байх зайлуул, тэр хүйтэнд зуны таавчиктай, шорттой л яваад байна. Яагаад гэхээр тэд нар нутагтаа байхдаа тийм зузаан куртка гутал гэх мэт хэрэглэж үзээ ч үгүй хүмүүс, эргээд гэртээ харилаа гэхэд нөгөө хувцаснууд нь хэрэглэхгүй болчихдог байгаан. Тэгээд мэдэхгүй даардаггүй юмуу гүрийгээд байдиймуу. Тэгсэн чинь орос, казакстан гээд манай хойд зүгийнхэн бол тэгээл сайхан дулаахан зузаан явна даа харин ч нэг. Тэгээд халуун газрынхан асууна, танай монголд хасах градустай цас ордог гээ биздээ яагаад чи даараад байгаан гэнэ хэхэ. Үнэндээ тэгээд хүйтэн ч гэсэн биднуус чинь баглаж боож зузаалж аваал гардаг, дотор ороол сайхан дулаан байдаг юм билээ шд. Бас тэгээд бодохоор манай монгол ядуу, дээрээс нь цаг агаарын хүнд нөхцөлд маш их зардалтай амьдарж байгаам шүү. Өвлийн хувцас, түлээ нүүрс, барилгын материал, дулааны шугам гээд л явж өгнө. Гэхдээ энэ хүнд хатуу нөхцлийг даваад л амьдарч ирсэн нь бидний өвөг дээдэс мориор дэлхийн талыг эзлэсний бас нэг нууц нь биз гэж бодном.


Read more...

Зурагны тухай





He: uuriinhuu zurgiig tawichaach, ene hoer huniig bi tanihgvi yum bna
Me: neg n bi shd
He: tiim vv, tegvvl naashaa harsan zurgaa tawichaach, nuguuduh ni hen yum be?
Me: manai nuhur
He: aan, jaahan ahimag nastai huuchinsag vzeltei hvn bdag uu?
Me: kk
He: neg bol tsag hugatsaanii daraah tuluwiin zurag yum uu?
Me: medku
He: aan, nuhur tani tanid bvgdiig zoriulsan bas nvd salgaj chadahgvi yag l anh harj bgaa yum shig
Me: hehe
He: harin ta yaaj bna?
Me: harin yaj bn?
He: elsen mandal deer uur hen negnii dvr turhiig tusuulj gargah gj hicheeh met ardaa hvn bgaag martaad udsan yum shig
Me: saihan todorhoilolt bn
He: taasnuu? saihan bish bhaa jaahan ewgvi yum uu,
eswel ene 2 aral deer 2ulahnaa geegdsen hamag yum dunguj ehleh gj bgaa.

Me: ene zurgand bol tohirson l todorhoilolt bn
He: ali ali ni uu?
Me: ehniih n.
He: aan
Me: 2 dah n ch bas dajgui yum
He: emegtei hvn bj vzeegvi bolhoor demii l taah yum, tegeed yag vnendee yu bodoj bsiin?
Me: hen?
He: ta
Me: ene zuragnii talaar uu?
He: ene zuragnii dotor
Me: medkue, neeh yum bodoogui
He: aan
Me: iim l bh yostoi gj bodson bh.
He: aan


Read more...

For you


Зовж шаналбал тэвчээрэй
Зовлон үзвэл даваарай
Жаргал ирвэл баярлаарай
Жаахан зүйлд ч баясаарай

Бусдыг зовбол туслаарай
Буруутаж гүтгэгдвэл тэмцээрэй
Хууртаж мэхлэгдвэл мартаарай
Худал хэлснийг өршөөгөөрэй
Уужуу байж сураарай

Ухаантай нэгэнтэй нөхөрлөөрэй
Буруу бүхнээс зугтаарай
Бусдаас найзыгаа хамгаалаарай
Алдаж оновол босоорой
Аргаа барвал дуулаарай

Хайр ирвэл бүү алдаарай
Хань заяавал хамтдаа жаргаарай
Амьдрал гэдгийг мэдрээрэй
Амжилт бүхэн рүү тэмүүлээрэй


Read more...

"Эрх чөлөөтэй байхуйн урлаг" номноос /Өлзийтөгс/


Өөрийнхөө зурсан ертөнцөд
Өөрийнхөө босгосон байшин дотор
Өөрийнхөө л зохиосон дууг дуулаад
Өөрийнхөөрөө би амьдарч байна

Эгшин хором нь миний тоололтой
Эвлэсэн бүхэн нь хурууны минь ортой
Энэ л ертөнцийн мөч бүхэнд
Эрх чөлөөний минь амь цохилоостой

Өвчин, шаналал, хайр, тэмүүлэл-
Өөрийн гэсэн юм бүхэн минь...
Гагцхүү үнэнээр бүтсэн амьд халуун төрхтэй
Газар дээрх диваажинд би амьдарч байна

Зүрх сэтгэлийг минь эзэгнэн байдаг
Зүйргүй их нам гүмийн дунд
Хэнээс ч хамааралгүй ганцхан амьдралынхаа
Хэмжээлшгүй жаргалыг урлаж сууна


Read more...

Ичиг ичиг (Ноён хутагт Данзанравжаа)

Аяа бас, буян хураасангүй насжсан хөгшид ичиг
Аяа бас, сэтгэлээ зассангүй гангалагч залуус ичиг
Аяа бас, номыг сэтгэлтэйгээ нийлүүлсэнгүй мэргэд ичиг

Аяа бас, албатаа алаглагч ноёд ичиг
Аяа бас, аавыгаа өргөхгүй эрийг өргөгч охид ичиг
Аяа бас, төрийг цуугиулагч түшмэд ичиг

Аяа бас, номыг үл суран элдвийг сурагч банди нар ичиг
Аяа бас, бясалгалыг пад хэмээн бархирагч егүзэр нар ичиг
Аяа бас, өдөр хийдэд суугаад шөнө айл хэсэгч хуврагууд ичиг

Аяа бас, өөрөө айл хэсэж ирээд эхнэрээ шаргаагч эрчүүд ичиг
Аяа бас, эрчүүдийн үгэнд орохгүй бусадтай ханилагч эхнэрүүд ичиг

Аяа бас, энэ гэмүүд надад буй бол олны дундаас би ганцаар ичиг
Аяа бас, хэрэв бусад их бага буй бол хэн ч болов тэр ичиг ичиг
Аргаа бүү барагтун,
Аай, хөөрхийнүүд минь ээ


Read more...

LOVE STORY meets VIVA LA VIDA




Read more...

Сэтгэл дундрахуй

Ялдамхан чиний минь уруулаас
Янжуурын үнэр ханхийв
Яагаад ч юм бэ тэр үнэрээс
Янагхан сэтгэл минь дундрав

Сайхан чиний минь уруулаас
Сархадын үнэр ханхийв
Дасаагүй тэр үнэрээс
Даамай сэтгэл минь дундрав

Хайртай чинийхээ үнсэлтэнд
Ханасан удаа үгүйсэн
Архи тамхиа больчихвол
Амраглахад илүү таатайсан


Хэний бичсэн шүлэг гэдгийг мэдэхгүй, таалагдаад цээжлэгдсэн тул оруулав.

Улаахан уруулаасаа
Учир битүүлэг үнэр үнэртүүлээд
Хайртыгаа бүү үнсээрэй.
Амраглах хүсэл,
янагийн сэтгэл нь дундрах нь байна шүү. Хэхэ


Read more...

Design by Blogger Templates