For you


Зовж шаналбал тэвчээрэй
Зовлон үзвэл даваарай
Жаргал ирвэл баярлаарай
Жаахан зүйлд ч баясаарай

Бусдыг зовбол туслаарай
Буруутаж гүтгэгдвэл тэмцээрэй
Хууртаж мэхлэгдвэл мартаарай
Худал хэлснийг өршөөгөөрэй
Уужуу байж сураарай

Ухаантай нэгэнтэй нөхөрлөөрэй
Буруу бүхнээс зугтаарай
Бусдаас найзыгаа хамгаалаарай
Алдаж оновол босоорой
Аргаа барвал дуулаарай

Хайр ирвэл бүү алдаарай
Хань заяавал хамтдаа жаргаарай
Амьдрал гэдгийг мэдрээрэй
Амжилт бүхэн рүү тэмүүлээрэй


Read more...

"Эрх чөлөөтэй байхуйн урлаг" номноос /Өлзийтөгс/


Өөрийнхөө зурсан ертөнцөд
Өөрийнхөө босгосон байшин дотор
Өөрийнхөө л зохиосон дууг дуулаад
Өөрийнхөөрөө би амьдарч байна

Эгшин хором нь миний тоололтой
Эвлэсэн бүхэн нь хурууны минь ортой
Энэ л ертөнцийн мөч бүхэнд
Эрх чөлөөний минь амь цохилоостой

Өвчин, шаналал, хайр, тэмүүлэл-
Өөрийн гэсэн юм бүхэн минь...
Гагцхүү үнэнээр бүтсэн амьд халуун төрхтэй
Газар дээрх диваажинд би амьдарч байна

Зүрх сэтгэлийг минь эзэгнэн байдаг
Зүйргүй их нам гүмийн дунд
Хэнээс ч хамааралгүй ганцхан амьдралынхаа
Хэмжээлшгүй жаргалыг урлаж сууна


Read more...

Ичиг ичиг (Ноён хутагт Данзанравжаа)

Аяа бас, буян хураасангүй насжсан хөгшид ичиг
Аяа бас, сэтгэлээ зассангүй гангалагч залуус ичиг
Аяа бас, номыг сэтгэлтэйгээ нийлүүлсэнгүй мэргэд ичиг

Аяа бас, албатаа алаглагч ноёд ичиг
Аяа бас, аавыгаа өргөхгүй эрийг өргөгч охид ичиг
Аяа бас, төрийг цуугиулагч түшмэд ичиг

Аяа бас, номыг үл суран элдвийг сурагч банди нар ичиг
Аяа бас, бясалгалыг пад хэмээн бархирагч егүзэр нар ичиг
Аяа бас, өдөр хийдэд суугаад шөнө айл хэсэгч хуврагууд ичиг

Аяа бас, өөрөө айл хэсэж ирээд эхнэрээ шаргаагч эрчүүд ичиг
Аяа бас, эрчүүдийн үгэнд орохгүй бусадтай ханилагч эхнэрүүд ичиг

Аяа бас, энэ гэмүүд надад буй бол олны дундаас би ганцаар ичиг
Аяа бас, хэрэв бусад их бага буй бол хэн ч болов тэр ичиг ичиг
Аргаа бүү барагтун,
Аай, хөөрхийнүүд минь ээ


Read more...

LOVE STORY meets VIVA LA VIDA




Read more...

Сэтгэл дундрахуй

Ялдамхан чиний минь уруулаас
Янжуурын үнэр ханхийв
Яагаад ч юм бэ тэр үнэрээс
Янагхан сэтгэл минь дундрав

Сайхан чиний минь уруулаас
Сархадын үнэр ханхийв
Дасаагүй тэр үнэрээс
Даамай сэтгэл минь дундрав

Хайртай чинийхээ үнсэлтэнд
Ханасан удаа үгүйсэн
Архи тамхиа больчихвол
Амраглахад илүү таатайсан


Хэний бичсэн шүлэг гэдгийг мэдэхгүй, таалагдаад цээжлэгдсэн тул оруулав.

Улаахан уруулаасаа
Учир битүүлэг үнэр үнэртүүлээд
Хайртыгаа бүү үнсээрэй.
Амраглах хүсэл,
янагийн сэтгэл нь дундрах нь байна шүү. Хэхэ


Read more...

Хэмнэх нь зугаатай бөгөөд энгийн


Хэмнэх нь зугаатай бөгөөд энгийн. Та хэмнэх талаар өөрийн үзэл бодол, сэтгэлгээг хэзээ ч өөрчилж болно. Хэмнэх нь таныг саятан болгоно.
Та ямар ч төвөггүй 12 хувийн ашиг бүр түүнээс ч илүүг хүртэж болно. Баян болоход тань инфляци ч таныг дэмжинэ.

Галууны данс нээ

Мөнгийг хуримтлуулж чадсан үед л баялаг бий болно. Хэрэв та өнөөдөр мөнгөтэй сайхан харьцаж чадахгүй байгаа бол хожим орлого тань өсөх үед бүр ч чадахгүй. Ийм хандлага таны орлого нэмэгдэхийн хирээр улам хүчтэй болно.
Та өөрийн зайлшгүй зардлыг өөрийн хүсэлтэй эндүүрч болохгүй. Бидний зайлшгүй гэж нэрлээд байгаа тэр зүйл орлогын хэмжээнд тулж байж л зогсдог. Шаардлагагүй мөнгө үрэхийг зөвтгөдөг хамгийн тэнэг шалтгаан нь "Надад хэрэгтэй байгаа учраас би авах ёстой" гэсэн сэтгэлгээ юм. Үнэн хэрэгтээ бидний хэрэгцээ өчүүхэн бөгөөд, гагцхүү бид өөрсдийгөө л зөвтгөхийн тулд надад хэрэгтэй гэж баталдаг. Хэмнэх нь зугаатай бас хялбар. Хэрэв та амьдралыг бүрэн амтлахыг хүсч байвал хэмнэх ёстой. Гэхдээ урд нь олон удаа оролдож бүтэлгүйтэж байсан тэр аргаараа хийж болохгүй. Хамгийн түрүүнд өөртөө төлбөр хий. Сар бүрийн эхэнд орлогынхоо 10 хувийг тусгай дансанд оруулж бай.
Ингээд галууны дансаа нээлээ. Галууны дансандаа жирийн данснаас илүү урт хугацаатай хадгаламжийн гэрээ байгуул, сар бүрийн эхэнд таны цалингаас 10 хувьтай тэнцэх мөнгө галууны дансанд автоматаар шилждэг болго.
Энэ тусгай дансан дахь мөнгөнд хэзээ ч битгий гар дүр.

Галууны дансан дахь мөнгөнөөс та хөрөнгө оруулах үндсэн зарчмын дагуу хөрөнгө оруулалт хийгээрэй.
Галууны мөнгө өсөхийн хирээр таны амьдрал улам зугаатай болж санхүүгийн аюулгүй байдал тань нэмэгдэнэ.
Галууны данс нь таны сахилга батыг дээшлүүлэх энгийн ухаалаг арга юм.
Та мөнгөнийхөө өнөөдрийн үнэ цэнийг харвал удахгүй хадгаламжиндаа гар хүрч, улмаар дуусгах болно. Харин 10,15 эсвэл 20 жилийн дараа уг мөнгө хэд болохыг хар. Та өнөөдөр цалингийнхаа 90 хувьтай байсан ч 100 хувьтай байсан ч ялгаагүй хүнд хялбар гэлтгүйгээр амьдралаа болгосоор байх болно. Гэхдээ хэтэрхий их мөнгө илүүчлэх гэж оролдсон хадгаламжийн төлөвлөгөө удалгүй нурдаг. Эсвэл ихэнх хүмүүс сарын эцэст илүү гарсан мөнгөө хадгалах гэж оролддог. Гэвч энэ нь бараг илүү гардаггүй тул та цаашид өөртөө хийх төлбөрийг хамгийн түрүүнд сар бүрийн эхэнд гүйцэтгэж байгаарай.
Хэрэв цалин чинь нэмэгдвэл цалингийнхаа нэмэгдэл бүрийн 50 хувийг галууны дансандаа шилжүүлж бай. Ингэснээр цалин нэмэгдэх бүрт таны галуу өсөлтийн түлхэц авна. Та тухайн цалингийнхаа нэмэгдэлд дасаагүй байх учраас эдгээр 50 хувь нь танд ямар ч төвөг болохгүй, Энэ нь хэцүү мэт санагдаж байсан ч хэмнэ. Хэмнэхгүй байх нь хэмнэхээс илүү зовлонг бий болгоно.


Хүүхдүүдээ ч хэмнэх сэтгэлгээнд сургаарай

Хүүхдэдээ анхны халаасны мөнгө өгсөн өдрөөс л хэмнэж сурах нь чухал. Ер нь хүүхдэд аль болох эртнээс "өөрөө төлбөр хийж" сурахыг таниулах нь чухал. Нэгэн хүн найман настай охиндоо халаасны мөнгө өгч эхлэхээр шийдэж, түүнийг машиндаа суулгаад өөрийн амьдарч байсан хотын захын хамгийн ядуу хэсэгт очоод ийн тайлбарлажээ. "Чи ийм газар амьдрахыг хүсч байна уу, эсвэл хувийн байшинд найрсаг хөршүүдийн дунд амьдармаар байна уу? Чи дахиад 10-15 жил ээж аавтайгаа хамт амьдрах болно. Харин дараа нь тусдаа гарч өөрийнхөө амьдралыг дангаараа хариуцах болно. Тэр үед чи ийм муухай газар амьдрах эсвэл сайхан хувийн байшинд амьдрах эсэхээ одоо шийдэж чадна. Энд аав ээжийнхээ өгсөн 10 маркийг юу ч үгүй үрчихдэг байсан хүмүүс амьдардаг юм" гэж хэлсэн гэдэг.
Ингээд гэртээ эргээд ирсэн хойноо тэр охинд зориулсан хуримтлалын төлөвлөгөө зохиосон нь охины хадгалах хүсэлтай байгаа таван марк тутамд аав нь 50 маркийг түүний нэр дээр хөрөнгө оруулалт хийж байхаар болсон байлаа. Энэ нь сард 250 марк болж байв. Тэд энэ төлөвлөгөөгөө долоон жил хэрэгжүүлжээ. Ингээд хэмнэлт бүрт нь төлдөг 2,50 маркийг зогсоов. Охин нь 32 нас хүрэхдээ 200 000 гаруй марктай болсон байв. Харин эцэг нь түүнд энэ хугацаанд ердөв 21 000 маркийн хөрөнгө оруулалт хийсэн юм. Хүн ямар ч мөнгөгүй байх үед л мөнгө амьдралын утга учир болдог, Иймд ирээдүйд таны хүүхдүүд мөнгийг хэт үнэлэх бус, чинээлэг аж байдлыг амьдарлынхаа жирийн, салшгүй бүрэлдэхүүн хэсэг гэж үздэг болоход таны хувь нэмэр үнэхээр их юм шүү.


Read more...

Секс ба Дотно харилцааны эрэл, дотно харилцаа гэж юу вэ?


Хэн нэгэнтэй дотно байхын тулд яах вэ? Хайр гэж юу вэ? Дотно байдал гэж юу вэ? Та үерхлээс юуг эрж хайдаг вэ?

Дик Пурнел

Оюутны Уриалга сэтгүүлд Доктор Хенри Брэнт: Хосууд над дээр ирээд, “Эхэндээ бэлгийн харилцаа бол сэтгэл татам сайхан санагддаг, Харин дараа нь өөрийнхөө тухай болон хамтрагчийнхаа тухай бодоод үзэхээр, инээдтэй санагдаж эхэлдэг. Үүний дараа бид хоорондоо таарч тохирохоо болин маргалдаж, эцэстээ салдаг. Одоо бол бид өстөн дайснууд л гэсэн үг” гэж ярьцгаадгаас нь харахад тэдэнд адил төстөй тал байна гэж дурдсан байна.

Энэ адил төстөй талыг би “Өглөө- сэтгэцийн гажуудал” гэж нэрлэдэг юм. Бид өглөө сэрсний дараа дотно байдал огт үгүй болсныг мэдэрдэг. Бэлгийн харилцаа нь үнэндээ биднийг огт сэтгэл хангалуун болгодоггүй бөгөөд анх хүсч байсан тэр байдлаар төгсдөггүй. Өөрөөр хэлбэл хувийн сэтгэл ханамжаа эрж хайсан амиа бодсон хоёр хүн л харагдаж байна. Жинхэнэ хайр ба дотно байдал нь “хоромхон зуур” бий болдоггүй бөгөөд та, өөрийгөө ганцаардмал байдлаас нэгдмэл байдлыг хайж байгаагаа ойлгох болно. Хүн бүрийн амьдралд:
Бие махбод,
Сэтгэл хөдлөл,
Оюун ухаан,
Нийгэм болон
Сүсэг бишрэл гэсэн хэсгүүд нь чухал нөлөөтэй байдаг.
Эдгээр таван хэсгүүд нэгдмэл байснаар үр дүнд хүрдэг. Дотно байдлыг эрж хайхдаа бид үүнийхээ тайлбарыг өнөөдрөөс эсвэл өчигдрөөс хайдаг. Бидний гаргадаг алдаануудын нэг нь “хоромхон зуурын” сэтгэл ханамжийг хүсдэг явдал юм. Хэрэв бидний дотно байх гэсэн харилцаа бүтэхгүй бол бид “хялбар” арга замыг хайж эхэлдэг.
Бид юунаас үүнийг эрж хайдаг вэ? Бие махбод, оюун ухаан, нийгэм, сэтгэл хөдлөл болон сүсэг бишрэл зэргээс үү? Тэгэхээр бид бие махбодын хэрэгцээнүүдээ илүү анхаарал тавьдаг. Бусад дөрвөн талбар дээр дотносохоос илүү бие махбодын хувьд дотносох нь илүү амархан байдаг болохоор тэр. Таны хэр яарч байгаагаас шууд хамаарч хагас цаг эсвэл хэдхэн хормын төдийд л эсрэг хүйсний хэн нэгтэй бие махбодын хувьд дотно болж болно. Бие махбодын хүслээ бэлгийн харилцаагаар түр хугацаанд хангаж болдгийг та удалгүй олж мэддэг. Гэвч бидэнд үүнээс илүү гүнзгий хангагдаагүй хэрэгцээ байсаар байдаг.
Таны хүсэл тачаал илүү их болж, бэлгийн харилцаанд орсны дараа та үүнээс залхах үедээ яадаг вэ? Энэ байдлаа хүмүүс “бид хайранд умбасан, тиймээ би үнэхээр хайрласан болохоор бэлгийн харилцаанд орсон “ гэж хэлдэг боловч тэд сэтгэл ханамжтай үлддэггүй, өөрсдөө буруу зүйл хийсэн мэт байдлыг мэдэрдэг.
Америкийн дээд сургуулиудын ихэнх оюутнууд дотно байдлыг эрэлхийлэн “Одоо л жинхэнэ дотно байдал, үүрд үргэлжлэх хайрыг оллоо” гэж найдан, нэг үерхлээс нөгөөд шилжин явдаг нь надад ажиглагдсан.

Бидний үнэхээр хайж байгаа тэр зүйл бол бэлгийн харилцаа биш гэдэгт би итгэдэг. Бид үнэхээр юу хайдаг вэ? гэхээр дотно байдлыг хайдаг.

Дотно байдал гэж юу вэ?

Орчин үед хүмүүс дотно байдал бол бэлгийн харилцаа гэж ойлгох болсон. Гэвч үнэндээ дотно байдал гэдэг бол үүнээс ч агуу зүйл юм. Дотно байдал нь амьдрал дээр бие махбод, нийгэм, сэтгэл хөдлөл, оюун ухаан, сүсэг бишрэлийн талуудаар хэмжигддэг.
Дотно байдал гэдэг нь үнэндээ Бүх л амьдралаа хуваалцахыг хэлнэ. Хүн бүрт ийм хүсэл байдаггүй гэж үү? Та хэн нэгэнтэй амьдралаа хуваалцан, ойр дотно байхыг хэзээ нэгэн цагт хүсэж байгаагүй гэж үү?

Маршал Ходж “Хайрын талаарх таны айдас” гэсэн номондоо “Бид бүгд хайраа илэрхийлэх, дотносох болон энхрийллийн хором, мөчүүдийг хайдаг боловч яг тэр мөчдөө үргэлж ухарч няцдаг. Бид хайраас айдаг” гэж хэлсэн байна. Мөн тэрбээр номондоо “Хэн нэгэнд та дотносох тусам, шаналал ихэсдэг.” гэж хэлсэн байна. Зүрх сэтгэлийн зовиур шаналал олох вий гэх айдас биднийг жинхэнэ дотно байдлыг олохоос холдуулдаг.

Би Өмнөд Илиной мужийн Их сургуулиудаар цуврал лекц зааж байсан юм. Лекцийн дараа нэгэн эмэгтэй “ Би тантай найз залуугийнхаа асуудлын талаар ярилцах хэрэгтэй байна.” гэж хэлэхэд нь ярилцахаар суусан юм. Тэр эмэгтэй надад асуудал, бэрхшээлүүдийнхээ тухай ярив. Хэдэн хормын дараа тэр нэг ийм зүйлийг хэлсэн “Би дахиж хэзээ ч шаналж зовохгүй байхыг хичээх болно.” гэхэд нь бид түүнд “Өөрөөр хэлбэл чи дахиж хэзээ ч хайрлахгүй гэсэн шийдвэр гаргаж байна.” гэв. Тэр намайг өөрийг нь буруу ойлгосон гэж бодсон бололтой үргэлжлүүлэн “Үгүй ээ, би тэгж хэлэх гээгүй юмаа. Би зүгээр л дахин шаналж зовмооргүй байна. Би амьдралдаа шаналахыг хүсэхгүй байна.” гэхэд нь би “Тиймээ, чи амьдралдаа ямар ч хайрыг хүсэхгүй байгаа хэрэг байна.” гэж хэлсэн юм. Хайр хүнээс тодорхой хэмжээний золиосыг шаарддаг. Зарим тохиолдолд хайр нь шаналал авчрах үе ч бий.

Хүн амын бараг зуун хувь нь өмнөх харилцаанаас ямар нэгэн шархыг амсаж байсан гэдэгтэй та санал нэгдэх байх. Тэгэхээр та сэтгэлийн шаналалаа хэрхэн давдаг вэ? Тухайн шаналалаа нуухын тулд бидний ихэнх маань хүмүүст миний нэрлэдгээр “давхар сануулга” дохио өгдөг. Бид хүмүүст “Сонсооч, Би чамтай ойр дотно байхыг хүсч байна, би хайрламаар байна бас хайрлуулмаар байна гэхдээ хүлээгээрэй би өмнө нь шархалж байсан юм. Гэвч би энэ талаар яримааргүй байна. Тийм зүйлийн тухай ч сонсмооргүй байна” гэж хэлдэг шүү дээ. Бид өөрсдийн зүрх сэтгэлдээ гадны хэн нэгнийг нэвтрэхээс хамгаалж хана босгодог. Харин тэр хана биднийг хүмүүсээс тусгаарлаад зогсохгүй бас ганцаардахад хүргэдэг. Үр дүн нь юу вэ? Ганцаардал таны сэтгэлийг эзэмдэж, жинхэнэ дотно байдал болон хайрыг амсах боломжгүй болгодог.




Read more...

Yanni

Энэ үнэхээр гайхалтай хөгжим шүү. Сонсохоор дотор нэг л сонин огшоод ирдийн. Ер нь Yanni-н уран бүтээлүүдэд дуртай болж байгаа. Урьд нь нээх мэддэггүй байж. Яг энэ бүтээлд илүү их дуртай болсон.


Read more...

ХАЙР-н програмыг яаж суулгах вэ?

Худалдан авагч: Би техникийн талаар мэдлэг муутай л даа, ХАЙР – ын программыг яаж суулгадаг вэ? /install/

Мэргэжилтэн: Эхлээд өөрийнхөө ЗҮРХ гэсэн файлыг нээх хэрэгтэй. Нээсэн үү?
Худалдан авагч: Нээчихлээ. Гэхдээ тэр файл дотор одоогийн байдлаар ӨНГӨРСӨН ГУНИГ.exe АТАА ХОРСОЛ.exe ГОМДОЛ.exe гэдэг программууд ажиллаж байхад ХАЙР-ыг суулгаж болох болов уу?

Мэргэжилтэн: Тэр хамаагүй. ХАЙР-ыг суулгахад ӨНГӨРСӨН ГУНИГ. exe программ өөрөө арилчихдаг. Түр санамжинд тань байх боловч бусад программуудад нөлөөлж чадахгүй. ХАЙР нь эрт орой хэзээ нэгэн цагт БАГА ИТГЭЛ. exe –г арчиж ИХ ИТГЭЛ. exe гэдэг нэртэй модуль суулгадаг. Гэхдээ хамгийн гол нь та өөрөө ХОРСОЛ. exe ГОМДОЛ. exe гэдэг программуудыг хаахгүйгээр ХАЙР суугдахгүй. Та хааж чадах уу?
Худалдан авагч: За хаачихлаа. Тэгсэн чинь ХАЙР өөрөө автоматаар сууж эхэллээ. Зүгээр биз дээ?
Мэргэжилтэн: Тийм ээ, гэхдээ энэ бол үндсэн программ. Хамгийн сүүлийн үеийн дээд загварыг нь суулгахын тулд өөр ЗҮРХ-үүдтэй холбоо тогтоох ёстой.
Худалдан авагч: Ёооё, эхэлж амжаагүй байтал алдаа зааж байна?
Мэргэжилтэн: АЖИЛЛАХГҮЙ байна уу? Санаа бүү зов. Энэ бол энгийн алдаа. ХАЙР-ын программ нь өөр ЗҮРХ-нүүдэд ажиллахад бэлэн байгаа ч таны ЗҮРХ-энд ажиллахгүй байна гэсэн үг. Өөрөөр хэлбэл та бусдыг ХАЙРЛАХ-ын тулд эхлээд өөрийгөө ХАЙРЛАХ хэрэгтэй гэсэн үг.
Худалдан авагч:Тэгвэл би юу хийх хэрэгтэй вэ?
Мэргэжилтэн: “ӨӨРИЙГӨӨ ХҮЛЭЭН ЗӨВШӨӨРӨХ” гэдэг файл доторх ӨӨРИЙГӨӨ УУЧЛАХ.DOC, ӨӨРТӨӨ ИТГЭХ.TXT , ҮНЭ ЦЭНИЙГ МЭДЭХ.TXT болон САЙН ҮЙЛС. DOC гэдэг файлуудыг сонгоод бүгдийг нь МИНИЙ ЗҮРХ гэдэг хавтастаа хийгээрэй. Дараа нь ӨӨРӨӨ ӨӨРТӨӨ СААД.EXE-ийг бүх файлуудаасаа бүр хогийн савнаасаа хүртэл арчиж, ор тас алга болгосонд итгэлтэй болох хэрэгтэй.

Худалдан авагч: Би чадлаа, үнэхээр МИНИЙ ЗҮРХ цэвэрхэн файлуудаар дүүрч байна. ИНЭЭМСЭГЛЭЛ.MPG дэлгэцэн дээр минь тоглож байна. ХАЛУУН ДУЛААН УУР АМЬСГАЛ.СОМ, СЭТГЭЛ ХАНГАЛУУН БАЙДАЛ.СОМ –ууд миний зүрхэнд хуулагдаж байна.
Мэргэжилтэн: Танд баяр хүргэе. ХАЙР-ын программыг амжилттай суулгалаа. Гэхдээ нэг зүйлийг санаарай. Хайрын программ үнэгүй байдаг. Тиймээс та өөрийн таньдаг мэддэг хүмүүст forward хийгээрэй. Тэр хүн бусадтай хуваалцсаны дараа эргээд танд гэгээн цэвэрхэн модулиуд илгээх болно. АМЖИЛТ!

эх сурвалж www.biznetwork.mn


Read more...

Brave

To be brave is to behave
Bravely when your heart Faint
So you can be really brave
Only when you really ain't
Piet Hein


Read more...

Бороон дундах үнсэлт

Үнсэлт үнсэлтийн дундаас бороон дунд үнсэлцэх ямар байдаг бол? гэж бодогдоод... Би өөрөө үзээгүй болохоор хэхэ. Бас зуны улиралд хамгийн дуртай болохоор зун цагаа санагалзаад бороо харсан чинь сайхан байна шүү. Харахад бол их л романтик харагдаж байна шүү. Хайртайгаа учрахаар бороон дунд заавал үнсэлцэнээ ккк.






Read more...

Нүд харснаараа ханасангvй, чих сонссоноороо дүүрсэнгvй

Наран доор ажиллагч хүмүүний бvх хөдөлмөрийн ашиг нь юу вэ?
Нэгэн үеийнхэн явж нөгөө үеийнхэн ирсээр байвч
Дэлхий ертөнц үүрд үлддэг.
Түүнчлэн нар мандсаар, жаргасаар,
Хаанаас манддаг тэр л газар уруугаа яарсаар байх ажээ.
Салхи өмнө зүгт үлээж, тэгснээ хойд зүг рүү эргэж,
Улмаар өөрийн тойргоороо дахин давтан эргэлдэх ажгуу.
Бүх гол далайд цутгавч далай нь дүүрдэггүй.
Дахин буцаж урсахын тулд хаанаас эхэлсэн тэр газартаа голууд буцаж урссаар байдаг.
Хүн үүнийг хэлэхийн аргагүй бvх зүйл залхмаар юм.
Нүд харснаараа ханасангvй, чих сонссоноороо дүүрсэнгvй.
Юу ч байсан, тэр нь байх болно.
Юу хийгдэж байсан, тэр нь мөн хийгдэх болно.
Иймээс наран доор шинэ юм юу ч алга.
Хэн нэг нь ямар нэг юмыг “Үүнийг хараач, энэ шинэ зүйл байна” гэж магад.
Тэр нь хэдийн биднээс өмнө байсан зүйл юм.
Өнийн юмс дурсагдахгүй, хожим болох юмс ч ирэх үеийнхний санаанд үл үлдмой.


Read more...

Бодол дунд төөрөхүй



Орох дуртай нэгэн сайтаас нийтлэл уншиж байтал доор нь нэг найз маань сэтгэгдэл үлдээжээ. Найз маань гэдгийг яаж мэдсэн гэвэл түүний nick name-р нь л дээ. Тэр сэтгэгдэлдээ юу гэж бичсэн бэ гэхээр:
-6 настай дүү маань надаас аав минь хаашаа явсан талаар асуусан юм. Тэгэхэд нь би : тэнгэр лүү явчихсан гэж хэллээ. Тэгсэн чинь “-тэгвэл эмээ өвөө хоёр?” Гэхэд нь би: “-мөн л тэнгэр лүү явсан” гэж хэллээ. Тэгсэн хэсэг чимээгүй сууж байснаа гунигтайгаар “-би ч гэсэн тэнгэр лүү явах юм уу? Тэгвэл амьдрах ямар ч хэрэггүй юм байна шүү дээ!” Гэж хэлсэн юм даа! 6 настай хүүхэд шүү! Найзаа хүний амьдралын утга учир юу вэ? Гэж бичсэн байлаа.


Үнэхээр амьдралын утга учир юу юм бэ? Үүнийг ойлгох гэж заримдаа нэг их бодохийн. Заримдаа болохоор заавал тэрнийг мэдэх гээд ч яахийн ер нь ямар ч утга учир гэж байдаггүй юм биш үү гэж бодогдоно. Амьдрал өөрөө угаасаа сонирхолтой юм чинь гэж өөрийгөө тайвшруулна. Гэтэл заримдаа бас хэцүү зовлонтой санагдах үед ингэж амьдрахаар үхэх нь үнэн юм чинь хурдхан үхчих нь дээр юм биш үү гэж бодогдоно. Гэхдээ л энэ амьдрал, энэ бүхний цаана нэг утга учир байгаа байх гэж бас найдна... Би ер нь ингэж их боддог хүн үү?, эсвэл бусад хүмүүс ч гэсэн над шиг боддийн бол уу? За бусад хүмүүс ч надад ямар хамаа байхав дээ.

Ер нь тэгээд ажиглаад байхад хүн өөрийнхөө үзэл бодол, төсөөллийг л хамгийн зөв, үнэн гэж боддог юм шиг. Миний шаал тэнэг гэж боддог хүн (тэнэг нь ч хаашаа юм, тэнэг хүн гэж байдаггүй, тэнэг үйлдэл гэж бий гээд байгаа биз)өөрийнхөө бодол төсөөллийг хамгийн зөв гэдэгт итгэж л байгаа. Аа бас хэн нэг нь намайг бас тэгж бодож л байгаа байх. Гэтэл бодит байдал хэнийх нь ч төсөөллөөс тэс өөр байж болно. Өөр ч байгаа байх. Харин тэр бодит байдлыг олж харахын тулд их л хичээх хэрэгтэй болох нь дээ. Гагцхүү тэр үнэнийг хайж яваа нэгэн юм уу даа би. Тиймдээ ч Ертөнцийг харах миний цонх үнэнд ойрхон байгаасай гэж хэлэх, бодох дуртай юм байна.

Би уг нь яг одоо бол зөв замаар яваад байна л гэж бодоод байгаа. Гэхдээ үнэндээ зөв, эсвэл буруу нь энэ амьдралын эцэст л мэдэгдэх байх даа. Өмнө нь мэдэж ч магадгүй. Би таашгүй.


Read more...

"Монголын нууц товчоо"-г сонсох уу


Нэтээр хэсч яваад "Монголын нууц товчоо" зохиолыг аудио хэлбэрээр нь тавьсныг олж ихэд олзуурхан авч сонсов. МНТ-г уншиж амжаагүй над мэтийн хүмүүст хэрэгтэй болов уу гэж санаад оруулчлаа. Дараах холбоосоор татаж аваарай. Эсвэл http://www.khelzasag.mn/ энд бас байгаа.

1-4-р бүлэг http://share.gogo.mn/4479891232917906
5-8-р бүлэг http://share.gogo.mn/11726011232917572
9-12-р бүлэг http://share.gogo.mn/20924191232918123


Read more...

2 butterflies

Энэ дууг өчигдөр нэг найз маань гоё дуу, үгийг нь олоод өгөөч гэхээр нь хайж олоод сонссон чинь надад бас таалагдав. Үг ба аялгуу нь гоё юм. Бас энэ эрвээхэйнүүдийг харсан чинь сэтгэл нэг л тайван болоод ирэхийн. Энэ эрвээхэйнүүд яаж ийм үзэсгэлэнтэй байдаг байнаа.


Read more...

Тереза эхийн захиас үг

Хүмүүн гэдэг амиа борлуулагч, бодлогогүй, ухаангүй байдаг юм шүү,
Хайрлаарай тэднийг хамаагүй.
Сайныг үйлдвэл тэд чамайг дотуур тамиртай, дороо нойтон гэж гоочилно шүү
Сайнаа үйлдээрэй хамаагүй.
Амжилт хийморийг олбол чи хуурамч нөхдийг, жинхэнэ дайсныг бас олно,
Амжилтанд хүрээрэй хамаагүй.
Өнөөдөр үйлдсэн сайн үйлс чинь маргааш гэхэд мартагдаж болох шүү,
Сайнаа үйлдээрэй хамаагүй.
Зөв шулуун, чин үнэн зан чинь чамд хор учруулж мэднэ шүү,
Зөв шулуун, чин үнэнээр амьдраарай хамаагүй.
Уужуу ухаан, холч бодолтой хүмүүс ухаан богино, хомс бодолтой нэгэнд оногдож мэднэ шүү,
Уужуу томоор бодоорой хамаагүй.
Хүмүүс ялагдагсдыг хөөрхийлөвч, зөвхөн ялагчийг л дагадаг юм шүү,
Ялагдагсдын төлөө тэмцээрэй хамаагүй.
Босгох гэж насаа барсан ажил чинь ганц шөнийн дотор нурж болно шүү,
Барьж босгоорой хамаагүй.
Хүмүүст туслалцаа үнэхээр хэрэгтэй, гэхдээ чамайг туслабал, эргээд ээрч дайрч мэднэ шүү,
Туслаарай тэдэнд хамаагүй.
Энэ ертөнцийн төлөө хамаг л сайнаа өгөөрэй, эргээд чи улаан нүүрэндээ татуулж мэднэ шүү,
Эцсээ хүртэл хамаг л сайнаа өгөөрэй хамаагүй.

эх сурвалж www.maranata.mn бөлгөө


Read more...

Жаргал зовлон

Энэ шүлгийг би өчигдөр нэг сонин гарчиглаж суугаад олж уншсан тэгээд гэртээ харих гээд явж байтал FM-р Сосорбарам гуай бас энэ шүлгийг уншиж байна. Урьд нь хэзээ ч сонсож байгаагүй байж заавал өчигдөр 2 удаа сонсдог байх даа яахав дээ. Сонин л юм... Энэ шүлэг үнэхээр үнэн үгтэй юм аа тээ.


Хатмал цөлд явахад хар ус амттай
Харанхуй шөнийн дунд өнчин зул гэрэлтэй
Жаргал ховор цагт жаргалын бага нь амттай
Хэт элбэг жаргал дунд хэсэгхэн зовлон бас амттай

Ингэхэд ер нь жаргал гэж
Илэрхийлж юуг илэрхийлдэг юм бол оо
Хүндэт тэр жаргал тэгээд
Хүн бүхэнд адилхан уу?

Үгүй ээ Үүлэнд хэлбэр байхгүй
Үйсэнд ширхэг байхгүй
Үнсэнд тоо байхгүй
Усанд өнгө байхгүй
Утаанд үнэ байдаггүй
Ургамалд дуу байдаггүй
Учир нь гэвэл
Хэтэрхий баян байгаль
Хэлбэрт захирагдах дургүй гэнэ
Хэнд юу сайхан бэ гэдгийг
Хэлж тогтоож болдоггүй гэнэ

Амттаны сайхныг идэж өнгөтний сайхныг өмсөж
Аливаад дутах зовлонгүй амар жимэр суухыг
Зарим хүн жаргал гэнэ
Залхаж хагас нь зовлон гэнэ
Гэтэл бусдаас харамлах өмчгүй
Будаж гоодох гоёлгүй
Буруудсан ч зөвдсөн ч хувьдаа
Буйдхан тэнэж явахыг
Эр хүний жаргал гэнэ
Энэ насны зовлон ч гэнэ
Сайн хүлэг унаад
Сайхан эмээл тохоод
Хүүхний сайхантай ханилаад
Хүнд гайхуулж явахыг
Хамгийн дээд жаргал гэнэ
Хагас нь бас зовлон гэнэ

Гэтэл, хүн тоохгүй унаатай
Хүүхэд ч тоохгүй эмээлтэй
Амьтан тоохгүй эхнэртэй
Амиа борлуулж суухыг
Алд биений жаргал гэнэ
Арчаа байхгүйн зовлон ч гэнэ
Төрийн тушаалд дэвшиж
Төмөр царай царайлж
Эгэл олныг айлгаж
Эрх ямбатай явахыг
Дурлаж зарим нь жаргал гэнэ
Дургүйцэж зарим нь зовлон гэнэ
Гэтэл, халагдахаасаа өөр сэтэргүй
Хавийнхныгаа айлгах сэнтэнгүй
Хар гэртээ хаан бор гэртээ богд байхыг
Хал балгүй жаргал гэнэ
Хагас нь бас зовлон гэнэ

Намба ухаан төгс
Нас тогтсон авгайтай
Энхрийлэл халамж хоёрт нь
Эрхлэн хөлчүүрч хэвтэхийг
Зарим нь ухаалаг жаргал гэнэ
Зарим хүн уйтгар зовлон ч гэнэ
Гэтэл амьдрал мэдэхгүй багачуудыг
Амрагаа болгож аваад
Ноолуулж эрхлүүлэх ялдамд
Номорхож томорхож суухыг
Энэ биений жаргал гэнэ
Эр хүний зовлон ч гэнэ

Ай, элдэв жаргал хэмжээтэй
Эцэст нь төлөх үнэтэй
Эрдэм сурах, санасандаа хүрэх хоёр л
Энэ насны жаргал гэлтэй
Ай даа, хожмын үр сад минь дээ
Хорин зууны бичиг судлахдаа
Зовлон гэж юу байдаг юм бол оо гэж
Зон олноосоо сураглаж явах болтугай
Энэ үеийн бидэнд уух ус идэх талх шиг
Элбэг байсаар байгаа зовлон гэдэг сүүдрийг
Нэвтэрхий толийн хуудаснаас холын удам минь
Нэн ч зүдэж байж олж ойлгох болтугай
Энэ миний үеийнхэн хэн маань ч ялгаагүй
Элс шороотой хөдөөрхүү нутагт
Жаргал дунд биш зовлон дунд
Жаалхан биеэрээ унаж тусаж төрсөн юм
Унахдаа дуулж төрөөгүй ээ, уйлж төрсөн юм

Өргөс ихтэй энэ хорвоод
Өөрөө ч мэдэлгүй зовлон тоочсон нь тэр
Ой мод шиг зовлон дундаас гээсэн сүх шиг жаргалыг
Олох гэж яваад нэгэн насаа бардаг юм
Олон зууны, олон олон үеийнхэн
Олсноосоо олоогүй нь их ээ
Эх дэлхийн минь тансаг амьдрал дунд
Энэ их зовлон чухам хаанаас ундарнам бэ?
Элж улирдаг их түүхийн турш
Элдэв зовлон барагддаггүй юм уу?

Үгүй ээ, барагдах нь байтугай, багассан ч үгүй
Үндсийг нь хүн өөрөө тарьж
Үр жимс мэт зовлонгоо ургуулж, үржүүлж
Бие биендээ тараасаар байна
Өвөг дээдэс болсон сармагчин ажаагаа
Өвчиж төрдөг хүн гэдэг амьтан
Өөртөө дандаа дайсан болж
Өег жаргалын оронд
Өвчин зовлон санаачилна

Үстэй, чихэвчтэй малгай зохиосон мөртлөө
Үдэш өглөөний жаварт гоёж явж чихээ хөлдөөнө
Ган халуун зун олны өмнө нэрэлхэж
Гангалж бариу гутал өмсөөд хөлөө сүйтгэнэ

Хортойг нь мэдсээр байж архи дарсанд
Хорхойтсон баавгай шиг шунан согтоод
Хонуут өнжүүт огьж бөөлжөөд
Хоосон хохийн шартахын зовлон эдлэнэ

Унд хоол байсаар байтал тамхины
Утаа залгилж, бохь зажилж
Авсанд ортлоо зэрэмдэг болоод
Ам чөлөөгүй зовлон тоочино.

Хүсч өөрийг нь тоох нь байтугай
Хүн байна ч гэж хараагүй
Хар элгийн хүнд шохоорхон
Хайртай боллоо гэж давхиад

Эвийг нь ололгүй сээтэгнэж
Эгдүүг нь хүргэж орхиод
Эцэст нь өөрийгөө тоосонгүй гэж
Элдвээр харааж зүхэж үлддэг

Тэрийгээ өсгөн өсгөн
Тэнгэрт тулсан зовлон тоочдог
Тоочсон зовлондоо өөрөө итгэж
Толгой, мэдрэлийн солио тусдаг

Элдэв хуулийг өөрөө батлаж
Эцэст нь тэрийгээ өөрөө зөрчиж
Эрүүгийн хэрэгтний сандалд сууж
Элгэн саднаараа зовлон болдог

Хэтэрхий бөх шорон барьчихаад
Хэрэг тарьж өөрөө орчихоод
Хэл мэдэхгүй адгуус гэмээр
Хэв хэрэггүй орилж цамнадаг

Өөрсөндөө эцэст нь амар заяа үзүүлэхгүй
Өөдгүй, хэнхэг хүнд их эрх эдлүүлээд
Хариуд нь тэрэндээ үе удмаараа
Харгислуулж гашуун зовлон эдлэнэ

Төрсөн үрээ үг сүггүй эрхлүүлж
Төрхгүй мунхаг болгож өсгөөд
Хөлд нь сүүлд нь өөрсдөө үрэгдэж
Хөрөнгө хогшил, нэр төрөө баллуулдаг

Хүмүүс минь дээ, Хүсэл чинь их, ухаан чинь урт ч гэлээ
Хүлээх тэвчээр чинь даан ч богиноос
Хүүхэд мэт сониучхан аашиндаа хөтлөгдөж
Эртнээс эдүгээ хүртэл та нар
Эрэг сондуул мэт нуран нурсаар иржээ.
Эзэгнэн захирч чадаагүй өөрөөсөө болоод
Энэ мэтчилэн та нар зовсоор байх юм уу?
Р.Чойном


Read more...

Design by Blogger Templates